Continúa o despregamento progresivo da funcionalidade nas entidades locais de provincia adscritas ao proxecto Concello Dixital.

A plataforma de tramitación electrónica TEDeC, núcleo tecnolóxico do proxecto Concello Dixital, dispón xa da integración que permite o envío e posta á disposición da documentación xerada e emitida desde os órganos colexiados. O acceso realízase a través de Sede electrónica de forma segura polos usuarios autorizados.

Con está implementación dáse resposta ao dereito á información dos membros electos das entidades locais, que se regula pola lexislación do Réxime Local.

A nuevo funcionalidade está a implantarse actualmente de forma progresiva en todas as entidades locais adscritas ao proxecto. Actualmente, son xa 34 as que contan con esta integración na súa plataforma.

O obxectivo é chegar a todas as entidades participantes no proxecto nos próximos meses, facilitando unha guía, ofrecendo formación e facendo seguimento personalizado para o inicio do seu uso.