Os concellos de Fene, Betanzos, Boimorto, Cee, Irixoa, Malpica, Miño, Padrón, Toques, Santa Comba, As Somozas, Cabanas e o Consorcio das Mariñas atópanse, desde hai uns días, plenamente integrados no SISTEMA DE INTERCONEXIÓN DE REXISTROS (SIR), o que implica que poderán recibir/enviar un escrito dun cidadán desde/cara a calquera das oficinas de rexistro integradas no sistema.

Son xa 45 as Entidades Locais que seguiron o camiño iniciado pola Deputación hai xa uns meses (ligazón)

O tempo de tramitación dos asentos rexistrais intercambiados por SIR redúcese drasticamente e o aforro por cada asento tramitado electronicamente estímase en 4 euros.

Desde a entrada en funcionamento do SIR:

Intercambiáronse máis de 3.900.000 asentos electrónicos.
Hai 2.380 Oficinas de Rexistro integradas
O 90% da documentación adxunta aos asentos vai dixitalizada

Actualmente están integradas no SIR:

-As CCAA excepto País Vasco e Navarra
-1.100 EELL
-A Administración Xeral do Estado

Desde a Deputación continuamos dando pasos para achegar a Administración ao cidadán e alcanzar a plena implantación da Administración Electrónica na provincia.