O organismo aposta pola dixitalización dos seus procesos para gañar en eficiencia e en produtividade.

A empresa pública responsable do servizo do abastecemento de auga potable e o saneamento do concello arteixán, SUMARTE, incorporouse ao proxecto Concell Dixital, que promove a Deputación coruñesa. Con esta decisión, a recentemente creada xestora municipal aposta desde o comezo da súa actividade pola administración dixital.

Así, SUMARTE realizará a súa operativa diaria sobre un sistema integral de xestión grazas á implantación nos seus procesos da plataforma de tramitación electrónica TEDeC, desenvolvida e impulsada pola Deputación da Coruña ao abeiro do proxecto de transformación dixital das entidades locais, Concello Dixital.