No concello da Baña, os veciños están chamados a formarse sobre a súa sede electrónica nun taller que se desenvolverá o vindeiro mércores, día 2, na aula de informática.
Pola súa parte, en Vimianzo, os responsables de asociacións poderán coñecer a fondo como empregar a oficina electrónica do concello nun taller que se celebrará ás oito do serán na aula CeMIT da Casa da Cultura, que conta con 15 ordenadores.
En Coristanco, a xornada formativa será o venres ás 10, no edificio de servizos múltiples do concello.
Como vén sendo habitual, os talleres serán impartidos por axentes do programa PEL-Concello Dixital da Deputación, que mostrarán que tramites poden facerse na oficina electrónica municipal e como realizalos, así como os mecanismos de identificación que permiten empregar as sedes.
Deputación A Coruña
Avenida Porto da Coruña, 2
15006 A Coruña
Tel 981 080 300
sedeconcellos.soporte@dacoruna.gal