Á sesión celebrada na aula CeMIT acudiron 10 persoas que apuntaron, na enquisa que cubriron ao final do taller, a utilidade da oficina electrónica do concello.

Como vén sendo habitual nestas charlas, os veciños —entre eles membros de asociacións e empresas, entidades que deben tramitar pola vía electrónica— coñeceron o funcionamento da sede electrónica do seu concello e recibiron formación sobre os diferentes métodos de identificación e sinatura dixital.

A sesión formativa tivo lugar o pasado luns, 23 de setembro, na aula CeMIT situada na Casa da Cultura do concello.

A formación foi impartida polo axente do programa PEL-Concello Dixital da Deputación.