Os axentes dinamizadores do proxecto PEL-Concello Dixital continúan co seu traballo de impulso á transformación dixital nos 70 concellos adheridos ao programa.

Ao ser un trimestre marcado pola constitución das novas corporacións, os axentes incluirán entre as súas tarefas a formación sobre os mecanismos e ferramentas da administración electrónica para os novos edís naqueles lugares que estean interesados nesta formación específica.

Este labor engádese ás iniciativas de apoio nos rexistros e ao impulso das sedes e dos portais de transparencia, que constituirán o groso do o seu traballo até o remate do verán.

Calquera proposta ou comentario sobre o proxecto é benvida, e pode dirixirse a soporte.cau@dacoruna.gal