Con novo aspecto e importantes melloras no uso e a funcionalidade, estréase a nova sede electrónica da Deputación e as Entidades Locais adheridas ao Proxecto provincial de Implantación da Administración Electrónica.

O Concello de Abegondo xa ten tamén a súa nova sede ao dispor dos cidadáns e en breve iranse incorporando o resto de Entidades Locais ata completar o total da provincia incluíndo Concellos, Consorcios e Mancomunidades.

Entre as importantes novidades que incorpora, destaca o acceso a través do sistema cl@ve, que permitirá ao cidadán a tramitación a través de clave PIN ou clave permanente, a maiores do certificado electrónico e DNI-e.