19:54:09 Domingo 16 de xuño 2024
Estás en:

A Administración do século XXI ten que ser 100% electrónica ou non será Administración.

17/10/14

O secretario de Estado de Administracións Públicas fixo estas declaracións ao inaugurar o XXX aniversario da constitución da Federación de Antigos Alumnos Iberoamericanos do Instituto Nacional de Administración Pública (INAP) de España e o XIII seminario internacional sobre “A Lingua como cultura administrativa entre España e América”.

“A Administración do século XXI ten que ser 100% electrónica ou non será Administración”, manifestou Beteta. “O futuro xa está aquí, a Administración non vai cambiar, senón que xa cambiou”, segundo o secretario de Estado, particularmente desde 2012, adaptouse a unha nova realidade, “as longas colas fronte ás oficinas xa non existen porque os trámites, áxiles e económicos, fanse por internet, aforrando tempo e diñeiro”.

Beteta engadiu que a Administración electrónica ha unido tres conceptos, eficacia, eficiencia e seguridade. “Cando unha notificación por internet custa 3 céntimos e por vía postal 2,5 euros, a sorte está botada”, indicou.

A Administración electrónica é un claro compromiso do Goberno, segundo o secretario de Estado, “é a aposta do presente para que xamais perdamos o tren do futuro e para deseñar unha Administración de vangarda e modernidade”. A Administración electrónica é a Administración aberta 24 horas, 365 días ao ano, “que non cerra, que non che fai esperar nin perder o tempo, que se adapta á túa realidade. Hoxe, xa non é posible presentar a declaración da renda por outra vía que non sexa telemática. O papel está a converterse nun bonito recordo”

Beteta animou aos antigos alumnos iberoamericanos do INAP a seguir mantendo viva a súa asociación internacional, como instrumento de intercambio de experiencias, reflexións e coñecementos para mellorar a Administración Pública e o servizo ao cidadán, grazas a ese gran vehículo de encontro que é a lingua, “que nos une a ambos os dous lados do Atlántico para analizar a súa influencia na cultura administrativa que compartimos os países de Iberoamérica”.

Ligazón a Noticia

 

Volver

Caixa de suxestións

Contamos coa súa opinión para ofrecer cada día un mellor servizo.

Contacto

Deputación A Coruña
Avenida Porto da Coruña, 2
15006 A Coruña
Tel 981 080 300
sedeconcellos.soporte@dacoruna.gal